啱啱打交嗰時，真係除左分開佢地，都唔知可以做啲咩！唯有咩都試下，搵傳心師係想了解多啲，佢地諗咩同有咩trigger到佢地鬧交打交？ 結果都同預期差唔多！

呢兩個小朋友都相依為命一齊流浪左好一段時間， 救佢地返黎時佢地係分開一陣都唔得， 日子耐左睇得出豆豆適應得好好， 當正自己係屋企嘅小公主咁！反而另一隻狗子子就都係圍住佢轉咁 ，情緒都比較敏感同埋多嘢諗 。

我覺得好好嘅係傳心結果幫我地了解到原因， 所以可以用更多其他方法照顧到佢地既情緒。尤其係傳心完成當日，佢地個樣都冇咁嬲，同有嘗試接近大家！ 呢個好明顯地睇得出！而加佢地一齊嘅時間都幾sweet， 成個過程連埋花藥、 cbd同多左啲運動量，覺得比預期順利同快左處理到！

謝謝你！

21.9.2021

我第一次搵Alvi 係4年前。
事源係養咗我家千佳一年半都好乖，好少唔係沙盤疴尿，只會因為唔舒服而係其他地方疴少少，但只要改善食糧就解決到
但就係我臨生小朋友，要留院觀察時，千佳就成日係唔同地方疴尿，搞到爸爸好嬲，話要困籠，唔俾佢自由出入。
我當時就諗佢會唔會因為情緒問題而周圍疴，所以就立即搵Alvi 幫手問吓原因，希望佢唔使困籠咁可憐。
Alvi 好好人，即日同我跟進，回覆嘅資料仲有啲令我驚訝！因為千佳嬲我話我呃佢，應承佢好快返屋企點知唔見咗人，而我當時又真係同佢講我睇完醫生就返，點解突然要留院，連返屋企執衫都唔得，所以無得同佢解釋。
而且佢又同Alvi 講佢無周圍疴尿，只係係特定位置(樓梯底或者沙盤前面)疴，呢個又啱，佢又真係只係係特定位置疴，唔算周圍隨便疴。
而Alvi 都好耐心聽完佢呻完後點先可以改善，佢就話希望爸爸多啲時間陪佢，因為爸爸每日一返到屋企放底袋就走人，佢覺得好失落！
咁我將以上嘅對話同我男人講，叫佢一返到屋企唔好立刻拎衫比我，陪千佳玩一陣先過來 。同時叫Alvi 幫我同千佳解釋我嘅情況，希望佢唔好唔開心，而且佢唔係沙盤疴反而會令爸爸唔開心而少咗時間陪佢。
當Alvi 同佢解釋完後，千佳就真係無再隨便係地下疴，一定係番沙盤到疴，感覺有啲神奇。
到我生完返屋企，雖然照顧bb 好累，但都每日一定抽時間來摩吓千佳，讚佢乖，又真係相安無事，無做衰嘢。
過咗2年後，千佳又突然係樓梯底疴，咁我見2年多，都係時候了解吓佢，所以又搵Alvi 問問。
今次最主要目的係想俾佢知由bb出世到依家，佢做得好好，好乖，唔係想鬧佢周圍疴，但當然最好唔好啦。
Alvi 同佢傾完後，就被投訴我哋少咗時間理佢，所以要用其他方法引我哋注意。而且千佳話唔識點同阿妹玩，佢覺得好大壓力，我聽完就笑咗，因為我有時都驚妹妹嚇親千佳，但好彩千佳會走開唔理妹妹。

所以呢2年都花多時間令千佳知道我哋無唔理佢，只係因為妹妹仲細，所以注意力去咗妹妹度。呢一年千佳都有好大進步，識得想同我哋玩就出聲叫我哋，又同妹妹關係好咗好多。
我估我又係時候要搵Alvi 幫我同千佳傾吓計，了解佢現況比較好……

15.8.2022

Alvi，同你既緣份喺係我細女三色既畢業禮上遇到你張卡片，我亦都抱住半信半疑既心態再次向傳心尋找我想要既答案，因為我之前搵既傳心經驗都唔係好好既，都無好細心解答我既問題，好在俾我遇到你，幫我問到我家細女三色係天家既生活狀況，你個下亦都能夠讀到我細女既性格，佢係一隻照顧咗人地先照顧自己既貓嚟，你講完我聽，我都呆咗，到你再講三色叫你行埋佢身邊，佢搵個頭頂你叫你摸下佢，佢在世既時候佢都係有咁既習慣，三色都係咁樣叫我地摸佢，當下我就知，我無揀錯Alvi

你幫我做傳心，到你幫我地問完，你仲會有埋個跟進既服務，等我地聽完你解讀三色既事後等我地唸下仲有咩想講，幫我地再同三色睇下仲有無啲咩要表達，真心想講，出面都唔會做到，你真係一個會好細心同動物傾計既傳心師，亦係一個好有愛心幫我地啲主人做盡我地想同係天家既寶貝講既嘢表達佢知，所以我真係無揀錯你Alvi。

多謝你令我釋懷，需然到最尾聽完我都有喊，但我真心聽完真係釋懷好多，真心多謝你，大家都可以搵alvi傳幫下自己既毛孩，Alvi一定唔會令你失望，Alvi加油!

​

28/1/2022

從直傳靈氣課程認識Alvi ,她教學詳細、認真和真誠所以當我發現家裏的貓貓情緒出現了問題，我便想起Alvi 也是一位動物傳心老師，立刻找Alvi 安排和我的貓貓傳心，希望可以解決她們的情緒問題！

家裏兩隻貓貓囡囡和Be Be 都快16 歲。囡囡一直都很黐我，又細到大都睡在我的床上，如果我離開房間，她便一直跟着我，不讓我離開她的視線！

Be Be 比較獨立，她喜歡睡在客廳較大的空間，各有各的地頭，互不侵犯。

但最近Be Be 因為身體虛弱，也有很多老貓病，所以突然移到我的房間睡覺，甚至不肯離開，我只好把食物和沙盆也放在睡房裏。囡囡起初也包容，但過了幾天就坐在客廳不肯進來，到了晚上，她不耐煩地在走廊徘徊，甚至發脾氣跑來跑去，大聲meow meow 抗議！ 不久，她開始躱起來和不肯進食。她自小也是被寵壞的。我被她的情緒問題感到很困擾，也感到她的憤怒和失去安全感。我希望Alvi 能轉達給囡囡知道Be Be 的身體狀況不好，她也需要媽媽的照顧，希望她體諒而媽媽一直仍然很愛她的。也請Alvi 話比囡囡知發脾氣和不進食會令到身體產生很多毛病，如果囡囡也病了，媽媽會好心痛！

Alvi 和囡囡傳心後的第二天，囡囡突然主動返回我的房間，完全不介意Be Be 在房裏，晚上睡在我的床上就好像以往一樣！更開心的是她把碟上的食物吃清！這進步一直維持到現在，囡囡情緒改善，我的壓力和擔憂也得到舒緩。

衷心感謝Alvi 的幫助，她耐心地聆聽囡囡的問題，也多次為我跟進。希望分享囡囡的故事能讓多些人認識動物傳心術和明白我們與毛孩溝通的重要性！

Monica 2021

感謝Alvi
上月找Alvi幫我在彩虹橋的波子溝通，和Alvi細心地解答我的疑問和困惑， 經細心思考現在卻想通了很多...
只要波子現不再受苦…在天上過得好我應感安慰和應祝福牠哦…
現我要好好照顧我身邊的主子，真惜現在和牠們時光、不離不棄、給牠們多點愛😁
上次Alvi話見到波子在彩虹橋上好專心地散步😊，我突然也有個想法是要學波子的突點，做每件事也要專心地去做😍(包括散步也要專心😂)
我確實仍期盼能再和波子相聚的一天😍
多謝Alvi令我想通了!

Irene Tsui

5/7/2019

好多謝Alvi幫左我兩次好大好大既忙！利申：唔係打手
首先第一次係經堂家姐介紹而首次接觸動物傳心，起初都半相半疑，因為大家都應該聽過曾經有一個電視節目踢爆左一個呃人既動物傳心師故事。但我堂家姐同我分享左Alvi果次點樣幫佢解決左狗狗既問題之後，我就決定試一試。

簡單分享一下以下既故事，大概一年多前，我本身養左隻大狗，佢雙眼後天出現問題而視力好弱（可能得一至兩成視力），後來因為怕佢會悶而養多左隻細狗，但點知出現反效果，唔開心既情況持續接近兩個月，當中包括好多事唔肯食野長期躲埋一邊，所以搵左Alvi幫手，點知奇蹟就出現喇，我番緊工既時候收到Alvi既msg話佢了解左大狗既情況同開解左佢，我收工番到屋企時見到我隻大狗係完全變得開心番，完全變番正常。作為主人既會因為小動物既一舉一動而會變得開心、難過、焦慮。過去呢兩個月我亦被狗狗既事影響左我心情，但經過Alvi既幫忙，我係完全由谷底走番出黎。

起初我有同自己講過，如果無效果既咪當捐錢比d慈善機構囉（因為佢會將當中四成捐比你想捐去既機構）同埋佢收費好合理，或者當比錢安慰自己既心靈，因為Alvi除左安撫狗狗之後亦有安慰我，比建議我點做，但事實證明左動物傳心係真係幫到我同我隻狗狗。

直到前排，我隻大狗因為身體問題而影響情緒，我再次搵Alvi幫手，如上面提及一樣，好快就解決左狗狗既情緒問題，所以我決定打呢篇文去表揚同答謝Alvi既幫忙。動物傳心係一樣好神奇既野，你肯相信，佢就會幫到你，以上係我真人真事既分享。

最後我要再次多謝Alvi，祝你身體健康，繼續幫助我地呢d曾經處於谷底既主人同埋小動物。

13/4/2020

距離同蜜瓜包傳心已經一個半月啦，之前最困擾既事係成日咬媽媽發小姐脾氣，但係當傳心師同蜜瓜包轉達媽媽既心聲呢一個半月以來，蜜瓜包變得乖純左，無再咬媽媽啦，而媽媽亦有遵守承諾，每次檢查咀咀眼睛之前，都有同蜜瓜包講一聲「媽媽檢查啦」，而檢查完，一定會獎勵一條草條；蜜瓜包話鐘意摸摸，所以媽媽都摸多左同多左同佢按摩，蜜瓜包既轉變令到媽媽好意外，覺得好神奇，媽媽好享受咁樣既親女活動！

謝謝Alvi 老師的幫忙，我的大女兒必必之前嬲左媽咪，雖然我知必必因咩唔開心，但卻未能令她解開心結！ 多得Alvi 老師幫我同必必傾完，儍女現在明顯開心左，謝謝你呀，Alvi 老師，見到必必笑番，實在太好了！  希望所有毛孩和家長都能明白互相的愛

必咪豆蚊

1/5/2018

冰冰升級2.0版！動物傳心好嘢，出世到而家都未試過可以摸住佢嚟瞓覺，平時摸唔夠三下就走！話說有啲事情我同 August開始頂唔住冰冰嘅孤僻同古怪行為，大咗肚之後更怪!!! 搵Alvi做動物傳心，反正唔急，同Alvi講有時間先做，突然有一晚半夜兩點，罕有地唔知冰冰定餅餅大叫嘈醒咗我，順手摸住平時勁嗲以紅衫為家嘅餅餅，然後正牌餅餅突然行上我心口度，先發現原來摸咗好耐嘅係冰冰，馬上醒一醒諗到係唔係做咗動物傳心，望一望電話原來係兩個鐘頭前收到Alvi whatsapp做咗嘢，忍唔住整醒大肚婆同佢講我既喜悅。第二日冰冰係廚房門口企定定望住我洗碗同我眨眼是示愛，咁多年嚟都無發生過，而家踴躍到日日去埋餅餅嘅地氈基地要玩，仲霸埋餅餅瞓覺嘅地方貼住我瞓，唔再成日自己一隻貓訓，成隻貓明顯開心晒，好似大隻左兼肥咗...哈哈，非常感謝Alvi！衷心衷心感謝 AC Elements！我嘅相簿開始有冰冰嘅相，以前係無乜可能影到佢嘅因為一拍就走，好滾動...! 
Paul Lam
27.07.2016

Alvi 老師,

自從Alvi老師為我寶貝晴晴、喱喱進行傳心後, 真的有大改善! 傳心好神奇!

希望自己可以學會傳心、靈氣, 可以幫人幫動物!

祝老師身體健康!

認識Alvi老師係因為屋企3隻貓貓 (蚊蚊/ MuiMui/ 花C9) 身上出現咗不同問題而搵老師幫佢地傳心。透過傳心3隻貓貓問題都得到完滿解決 (豎姆指), 真係好多謝佢, 而花C9對我態度亦明顯改善。最近花C9仲肯坐喺梳化度俾我摸添! Yeah, 超開心! :-)

因為呢次傳心, 自己亦上咗初級同中級傳心術班, 令我認識到傳心術嘅神奇力量, 亦可以將呢樣神奇力量介紹俾身邊有需要嘅朋友。

多謝Alvi老師, 祝身體健康!

泰臣在2013年7月離開我們，這個7月整個人魂不附體，兒子離開我們就像鎚子一樣敲碎了我們的心。

傳心這個東西我從來都半信半疑，直至在泰臣離開後有狗友介紹AC Elements 的傳心，本着一試無訪的情況下我們第一次接觸了，還記得AC Elements 打给我時說己和他溝通，那一刻的我眼淚如同決堤一樣流下來，原來每日心裡想着泰臣跟我的日子太短這句說話他是知道的，因為呢句說話我堅強的兒子淚流滿臉........多謝AC Elements的提醒，這一刻我知道要let him go, 我的心結亦解開釋懷。

我還有兩個女兒AC Elements亦一一講中一些細節，好讓我更明白他們。

Sheila

之前在牛池灣街市救了4隻貓咪, 當中兩隻貓咪暫托在我家, 其中一隻貓咪好惡, 一隻貓咪好驚青, 暫托了接近三個月了, 兩隻都唔俾摸, 所以我請老師幫我傳心, 希望有所改善, 令到他們較為親人, 可以幫助他們揾家。老師幫我傳心後, 其中惡的一隻貓咪有明顯改善, 已經俾摸了。另外驚青的貓咪雖然還未摸得, 但已經稍為無咁驚青了。

此外, 好多謝老師將一部份收費捐助給有需要幫助的動物義工和動物慈善團體。

在偶然朋友介紹下認識妳。還記得當初第一次找妳傳心時。收到你的來電回覆。妳說出看到的景物點點滴滴完全準確。。很利害。妳不厭其煩地跟進我的問題。 在我最無助時幫了我們！真的十萬分多謝妳的幫助。謝謝傳心姐姐妳的多次幫忙與我們的心肝寶貝傳心。讓我們了解更多和解決了問題。你真是一位很好很有責任的傳心師。謝謝妳唷～

Jac上

翠兒

傳心客户_走失個案

「姐姐」: 我回家了!

於8月17日, 原本由義工姐姐安排診所做TNR絕育的唐狗女「姐姐」, 計劃由我們照顧在傷口痊癒後, 才回去她的原區倉內!

原來「姐姐」一向不喜困籠, 連綁帶都不成, 在休養了幾天後, 突然將我們的鐵籠及圍杆咬爛, 走出了我們範圍!

我們當時而即時多人去搜尋, 貼街招及POST上網, 希望盡快找回她, 由於她不是住大埔區, 真的很擔心她不識路會有意外!

找了一天, 沒有結果, 各人亦擔心不爾, 我們即時聯絡傅心術師 : AC Elements , 希望她能提供地圖及叫「姐姐」不用擔心!

在接下來的幾天, AC Elements 每天都與她溝通, 知道她不開心, 因為她做了絕育手術, 她覺得是我們弄痛了她, 她不想困籠, 故要走, 要回家!亦知道她2天沒吃東西!

在18號當晚, 我們憑傅心術師的地圖及資料, 找到零晨3時多, 但都沒有結果 , 但好彩地, 亦拯救了另一只「積羅素-珠珠」回來, 可能, 這就是緣份!

到8月21日早上, AC Elements 再與「姐姐」用傳心術方法溝通, 知道她在一空屋內, 食了一些東西并與另一狗狗一起! 我們心雖然急, 但起碼知道她仍平安!

奇蹟在5分鐘之後出現了, 由於我們早前有貼街招, 有一個好心人致電給我們 , 發現「姐姐」就在我們店後的村內, 位置跟在18號傳心術師給我們的, 完全吻合 !

更奇妙的是, 她真的在一家空屋內, 與另一唐狗一起! 我們終於找到了她, 由於她非常怕人, 故我們只能慢慢喂食及從後將她捕捉!

最後, 「姐姐」終於被我們帶回店舖并在當天, 由照顧她的祥哥送回家, 與她的媽媽「小白」重聚!真的是「大團圓結局」!

在此, 我們非常非常感謝: AC Elements- 在多天來為我們提供最寶貴的意見, 更與我們一起不眠不休, 即是更新狀態給我們 !

亞Ling & 亞金 : 多謝您們一直對我地的支持, 亦與我一起多天在尋找「姐姐」! 甜姨 - 多謝當天幫手協助捕捉「姐姐」, 亦因此讓您手受傷了! 我們在此更要多謝所有提供資料及曾協助過我們找尋「姐姐」的每一位好心人!

翠兒

18年前二仔離開了我, 媽從街市問士多店拿了乖乖回家, 希望我可以開心返, 當時她是一隻手掌那麼大的黑貓, 有貓瘟, 有皮膚病, 我好辛苦地照顧她, 好快回復健康。 隔了一年, 在年初一的早上, 給我遇到一隻黑白貓在街上, 也是手掌那麼大, 生蟲有病, 同樣他給我照顧後, 康復了, 他的名字叫初一。 初一過去曾經從八樓跳樓走失, 大命, 只是感受到貓瘟及擦捐了腳, 最好彩是, 我能夠找尋回他；後來他又患上屎石問題, 發高燒, 欠些又送命, 之後他要食很不愛吃的配方糧, 因此每晚我也要分開餵糧。 幾年前他又生了個瘤, 切了, 我心知不妙, 沒有化驗是什麼性瘤, 同時又發現個腎有問題, 要長期食藥。可能經歷太多, 加上初一是一位好懂討人愛的毛孩, 也每晚和我擁抱而睡, 因此我對初一特別寵愛。

在2013年五月, 初一突然不肯進食, 醫生說冇得醫了, 17年, 初一就這樣離開了我，個心好痛，好痛。

現在家中就餘下乖乖, 乖乖是一位愛咬人的貓, 加上她獨行獨往的個性, 我們很少抱她, 每次抱她長少少時間, 她就會狂咬, 就因如此, 加上對初一的寵愛, 我可能忽略了這位大女。

初一走後, 乖乖開始每早站在我床頭, 好似想安慰我這位養母, 我回望乖乖, 好想知道乖乖想什麼, 因為乖乖初一走後, 常常主動親我咀, 行為有些唔同了, 好想去明白她, 我只有乖乖, 乖乖也18年, 可不可以大家更愛對方, 去改變及修補現在的關係, 我好想比乖乖知道, 其實我也好愛她, 只是我過去處理不好。

當我見到AC Elements在KELLY FB 傳心POST, 我就好希望她可以幫我, 我SEND 了三張乖乖相片給她, 問了: [ 乖乖妳常咬人，是什麼原因？是不是唔開心？或是身體不舒服？乖乖妳過去是不是覺得媽偏心細佬初一，所以不開心？現在最鍚边位？]

她不久PM回復我, 問我家中是不是有位四十至五十歲, 有少少白髮在兩邊的女士, 我好震撼, 她說中了, 是我家姐, 而我姐姐是沒有FB用的, 她怎樣會知??

乖乖和她說: [细佬想要什麼都会自然有，而我就要掙取，過去我是介意，現在年紀大，我也冇所謂了，沒有一位是我最鍚，只有一位兩边有白髮的四十至五十歲女士是我比較尊敬，點解我時時咬人，因為我好煩躁，屈結，要發洩，而我聽到初一個名，我就~呼，問也不比問，唔喜歡，我是極有個性的貓]

聽到, 我流淚了, 原來我對初一的寵幸, 對我阿女乖乖做成傷害, 我請傳心師和乖乖講, 媽不是的, 只是細佬有病, 又懂討人愛, 同樣妳也是我個女兒, 妳是有權睡在我身上的, 但傳心師聽到乖乖說, 同我睡是初一的專利, 我不可以, 我的心好似比刀割, 我傷得乖乖好深, 原來我自己不知道, 後來傳心師幫我和乖乖說, 不是的, 妳也可以一起和媽睡, 媽一樣好錫妳的, 說了後, 後日的早上, 乖乖真的第一次睡在我心口, 直到現在, 我們真的比以前更親密, 我好多謝傳心師解開我和乖乖的心結, 好希望餘下的日子, 乖乖可以開心返, 和我過每一天。

Cat Chan