top of page

直傳靈氣心聲

Updated: Aug 18, 2022

很多謝昨天課後同學給了我詳細的課後感言,看罷真的覺得你也是思考好一段時間才決定學習直傳靈氣,謝謝你! ~~~~~~~~~~~~ 因為上直傳靈氣,令我過咗一個好充實、好實用、好惠及身邊人既聖誕假期!

我係透過朋友介紹認識Alvi, 亦都受佢分享爹地有關癌指數滑落既見證,覺得非上直傳靈氣不可!其實我初初係有猶豫,因為我為爹地胃癌既原因,好早已經上左臼井靈氣Master,ICRT靈氣及Karuna靈氣,心諗已經夠用啦話?但係今次既經驗更加話俾我知,有好多野真係要學左先知係咪最適合自己❤️

未學直傳靈氣之前,我自問每日都好努力去幫自己、爹地媽咪做靈氣,尤其出門或者出入醫院,一定畫哂啲符上身保護自己同佢地😅我覺得真係對改善aura有幫助,亦都係好快做到一啲清理平衡嘅效果但係身體方面都係未如理想手腳冰凍係令我每晚都瞓唔冧既主因另外,學靈氣都係為咗幫爹地媽咪,由於每個人感受臼井靈氣都唔同,感恩我爹地化療後佢既身體係好接受臼井靈氣,但係媽咪既糖尿腳,每每施以靈氣都因為佢感覺到痛而暫停

但係奇蹟嘅事發生啦!我成日覺得真係有對比先知靈氣既犀利!只係短短一日,就有好幾項amazing既事發生❤️

1~ 感恩第一日上堂,我就被另外三位同修療癒(辛苦晒大家)當晚回程返屋企,明明天氣係越夜越凍,仲有啲雨粉,何解我對手咁暖跟住吾使講,都估到我瞓咗個入冬以來未試過既靚覺

2~我契仔係食飯嘅時候吾小心被響鈴盒邊𠝹到手,我即刻活學活用,重複運用左所學嘅方法4次!喂大佬!佢啲血自己止左仲快過佢媽咪摷紙巾

3~我一直相信practice makes perfect,所以當晚我就搵長老試吓啦感恩我媽咪唔抗拒,好乖咁俾我用靈氣緩和下佢隻糖尿腳,佢奇蹟地無叫停,話好似冇咁痛冇咁痕仲叫我第二日早啲返幫佢再做❤️❤️搞到我開心到不得了

好感恩Alvi就佢所學所知毫無保留同我地分享,尤其有關動物嘅部份,令我哋一班主子真獲益良多

我相信每套工具都有值得可取嘅地方,只係有適唔適合既分別!感恩自己學過臼井同Karuna,令到自己係靈氣上有所基礎,今次上埋直傳靈氣,除咗以上種種,同時擴大左我嘅手感,令我係感應上更加容易,好期待上後期!我相信一定獲益匪淺

再次感恩介紹Alvi俾我認識嘅朋友、Alvi、有幸同修既同學仔

Turama C 26.12.2021






2 views0 comments

Recent Posts

See All

Comments


bottom of page