續篇： 長者自癒直傳靈氣個案
- Alvi, AC Elements
- 2 days ago
- 3 min read
上月有一位長者學員在雨中跌到送院，當時她聯絡我請教幫助自己骨裂的手腕與膝蓋。所幸跟她說了一些加促癒合與平衡的手位，當晚她的手消腫不少，也可以處理膝蓋，當時還拍照給我看膝蓋開始有變化。後來還比預期早了轉療養院。
後來她說轉院期間因為是長假期，未有安排治療與復健，但想跟我分享進展：消腫不少活動力多咗，包括右手手指都靈活咗，第一次直接放喺膝蓋上做治療效果明顯（手放上去明顯係比較僵硬的，半小時後已經柔軟很多）😄
同埋老實講期間真係明顯感覺到膝頭裏便係好似氣血流動，有明顯的感受🎉
上星期因為愛貓離世加上接連開課，今天我便想起她狀況，她說：老師喺你咁難過嘅時間我唔敢打攪你🙏但願你早日釋懷💕
感恩你都仲記住我嘅情況，我係好想同你分享我而家嘅良好進展，
如是者我每星期一至五接受佢嘅平衡訓練機練習15分鐘＇當然我每一日都會做平衡手位治療自己（雖然右手只得三隻手指冇包手托），就係呢短短五個運動訓練日之後嘅星期一，物理治療師確定我可以獨立用四腳差拐杖自由步行包括可以去廁所🎉
即是我由6月22號到六月29號已經有咁大活動力，跟住7月2號出院，院車送我回家到門口（我唔想佢哋推輪椅入屋企）我也可以獨立步行到梳化坐，當然我係認為自己好穩陣先得，家人遲咗返屋企得我一個人都信自己能力，係咁視察家居環境試吓入唔入到浴缸結果係入到，但有一啲配套未完善仲未可以沖涼住，之前係醫院仲擔心家居環境能否配合到我嘅限制，結果全部都冇問題昨晚好舒適地瞓咗覺，坐梳化丶去廁所、扶住隻腳叉行去廚房攞嘢全部都冇問題，只係唔能夠兩隻手攞嘢，嚟緊7月9號會去檢查膠手托，同7月14號檢查腳托照X光睇醫生期待下一次的進展🥰
她還笑說因為一直明顯消腫，可能下次要再更換腳托了!她很希望我可以分享給大家知道靈氣的好處。她說： 我都希望其他同學能夠學以致用，對我來說真係幫到我，我真係相信靈氣幫我好大！學咗唔用真係太浪費啦!🩷
我也很感謝她的努力，一位長者也可以學習與善用，真的很有鼓勵作用。希望同學們也多加使用，而不認識靈氣的人也可以正面地了解更多🙏 而這也是我一直想做的事，很正面不浮誇地分享靈氣與動物傳心，大眾們都可以平實地在日常生活可應用的各種層面。
謝謝你看完全文🙇🏻♀️
想睇番之前的分享
導師簡介
Alvi, AC Elements
直傳靈氣認證大師範(高級導師)
著作《療癒人與動物的直傳靈氣》
靈氣是輔助療法，並不能取替傳統醫療。
We love animals, animals love the world. And the world loves us!
Comments