今次想同大家分享的故事主角是一隻14歲的狗狗Bunnie,認識牠是2021年因為手術及準備移民而聯絡我安排動物傳心服務。
起初家人擔心牠會因為手術而不開心，豈料在溝通後發現，牠最擔心的竟是自己在手術後會否影響儀容與美貌。也不捨一直照顧牠的工人姐姐，除了有感情外，也覺得之後家中其他成員在照顧的手勢上沒有姐姐般好。結果引來家人大笑😂還說牠真是一名港女！不過這也證明動物真的有牠的小心思，跟人也一樣會愛美、愛舒服。
最後在2022年Bunnie順利移居外地了！家人在離港前也怕牠在旅途上害怕與不適應，因此再度聯絡我希望讓牠知道整個流程。
本來打算仔細的寫出故事，不過有以下家人在事後給我的發文，我相信也很足夠了！
兩年前我哋一家考慮移民，但因爲狗狗已經十幾歲，而寵物要搭飛機其實係一個好驚嘅狀況，如果佢哋唔明會發生咩事，咁我都會好擔心甚至就唔會考慮移民。去就要一家一齊去，狗狗一定不能留低。後來搵到機位，再加上知道可以同狗狗溝通清楚，我先覺得可行。
上飛機之前我請Alvi同狗狗解釋左個旅程既流程會係點，再三安撫狗狗千萬唔好以為我地丟低佢，亦講左有咩人（例如好愛佢既工人姐姐）未必會再見到，等佢好好講再見。
Alvi都幫我問咗佢啲問題，等我知道佢擔心未來啲咩。狗狗話希望新屋同舊屋差不多🤣我解釋左可能冇辦法好似，但亦問左有啲咩佢想要，令佢可以期待一下新生活。原來狗狗幻想有張好大既白色毛毛床（好specific🤣）可以俾佢「金絲雀、金絲雀」咁碌來碌去（家有囍事reference暴露主人年齡系列）所以我好快就訂左張床仔等佢一到埗就可以興奮一下。呢一年以來狗狗都適應得幾好，雖然越老越惡，又唔鍾意我幫佢刷牙梳毛，於是Alvi又幫我同狗狗傾吓偈，佢投訴我手勢差，笑死我！😝我真係好好好感激Alvi一直以來幫到我同Bunnie有更多溝通，尤其移民之旅，令我對個旅程有信心好多、安心好多。所以真係好多謝你🫠😭
抵達後，家長也跟我說整個旅程很順利，Bunnie也很安定。最後家長還附上了Bunnie游船河的寫意到睡著了的照片。最近家長也因為生活上的問題讓我與Bunnie溝通，對於生活上的細節，家長說也完全說出了她本人的心聲。在溝通上我也感覺牠脾氣多了，而且要求也愈來愈高，不過不打緊的！我相信家人最希望你身體健康，開開心心！也希望家長們能早日安頓好生活上的事宜，順利順心！再次感謝家長同意分享與給我的發文😊
Comentarios